ភ្នំពេញ៖ នាយករដ្ឋមន្ត្រីកម្ពុជា សម្ដេចតេជោ ហ៊ុន សែន បានឆ្លៀតពេលសម្រាកពីការងារនៅថ្ងៃសៅរ៍ចុងសប្តាហ៍នេះទៅវាយកូនគោលនៅតារាងវាយកូនគោលមួយកន្លែងក្នុងរាជធានីភ្នំពេញ។

សម្តេចតេជោបានបង្ហោះនៅលើតេឡេក្រាមផ្លូវការរបស់សម្ដេចនៅរសៀលថ្ងៃសៅរ៍ ទី២០ ខែសីហានេះនូវរូបភាពនិងវីដេអូជាច្រើនដែលបង្ហាញពីសកម្មភាពរបស់សម្ដេចក្នុងពេលលេងកីឡានេះ។

បើតាមវីដេអូនៃការវាយហ្គោល ឲ្យឃើញថាសមត្ថភាពលេងកីឡាប្រភេទនេះរបស់សម្ដេចគឺនៅតែល្អ និងបញ្ចូលទីបានល្អដដែល។

កីឡាវាយកូនគោលគឺជាកីឡាដែល សម្ដេចតេជោ ចូលចិត្តជាងគេក្នុងចំណោមកីឡានានា សម្ដេចតែងចំណាយពេលទំនេរពីការងារដឹកនាំរដ្ឋមកលេងកីឡានេះជាមួយថ្នាក់ដឹកនាំរដ្ឋាភិបាល និងឯកអគ្គរដ្ឋទូត និងរាជទូតនៃប្រទេសមួយចំនួនផងដែរ៕